	Veðurstofa Íslands Jarðeðlissvið

Jarðskjálftar 20190624 - 20190630, vika 26

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Í vikunni mældust 50 skjálftar á Suðurlandi, svipað og vikuna á undan þegar 60 skjálftar mældust. Þar af voru tæplega 10 skjálftar á Suðurlandsundirlendinu og um 30 á Hengilsvæðinu, við Nesjavelli, Hellisheiðarvirkjun og Ölkelduháls og voru þeir allir undir 1,5 að stærð. Við Raufarhólshelli mældust 9 smáskjálftar og engin skjálfti mældst í Heklu.

Reykjanesskagi

Rúmlega 40 jarðskjálftar mældust á Reykjanesskaga í vikunni, mun færri en vikuna á undan þegar þeir voru um 110 talsins. Tveir skjálftar mældust við Fagradalsfjall, 15 við Krýsuvík, sex í Bláfjöllum og þrír við Brennisteinsfjöll. Stærsti skjálftinn á Reykjanesi var í Grindavík, 1,8 að stærð þann 25. júlí og við Svartsengi mældust átta skjálftar í þessari viku. Út á Reykjaneshrygg mældust 4 skjálftar, sá stærsti 2,1 að stærð þann 24. júlí um 50 km suðvestur á hrygg.

Norðurland

Rúmlega 80 skjálftar mældust á Tjörnesbrotabeltinu í vikunni, færri en vikuna á undan þegar að þeir voru um 100 talsins. Stærsti skjálftinn var 3,6 að stærð um 15 km ANA af Grímsey þann 30. júní. Um 30 skjálftar mældust í Öxarfirði og var stærsti skjálftinn 1,5 að stærð um 7 km VSV af Kópaskeri. Í Eyjafirði og Eyjarfjarðarál mældust sjö skjálftar og tíu voru í Skjálfanda. Þá mældust fjórir skjálftar um 220 km norður af hrygg, sá stærsti 2,9 að stærð 24. júní. Við Kröflu mældust fimm smáskjálftar og einn vesta við Bæjarfjall.

Hálendið

Við Langjökul mældust fimm skjálftar, einn í norðaustanverðum jökulinum og fjórir við Þórisjökul, allir undir 2,0 að stærð. Tíu jarðskjálftar mældust austanmegin við Öskju og 15 í, eða við, Herðubreiðartögl. Þann 25. júlí mældist einn smáskjálfti norðan við Tungnafellsjökul. 70 skjálftar mældust í Vatnajökli í vikunni, nær helmingi færri en vikuna á undan þegar að þeir voru 125 talsins. Rúmlega 20 skjálftar mældust í Bárðarbungu, þar á meðal stærsti skjálfti vikunnar sem var 4,6 að stærð þann 24. júlí. Eftirskjálftar af stærð 4,3 og 3,4 mældust samdægurs. 13 skjálftar voru staðsettir í bergganginum endalöngum. Fimm jarðskjálftar mældust í Grímsvötnum, allir undir 1,5 að stærð og smáskjálfti mældist suðaustand við Hamarinn þann 30. júní. Í Öræfajökli mældust rúmlega 20 jarðskjálftar, færri en vikuna á undan þegar að þeir voru 30, og voru þeir allir undir 2,0 að stærð.

Mýrdalsjökull

Tólf jarðskjálftar, allir undir 1,5 að stærð mældust undir Mýrdalsjökli í vikunni, um helmingin færri en vikuna á undan. Flestir voru staðsettir í, eða við, austurhlið öskjunnar. Á Torfajökulssvæðinu mældust átta skjálftar í vikunni, sá stærsti var í Hrafntinnuskeri, 2,0 að stærð þann 29. júní kl. 19:44. Enginn skjálfti mældist í Heklu.

Jarðvakt