	Veðurstofa Íslands Jarðeðlissvið

Jarðskjálftar 20190722 - 20190728, vika 30

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 330 jarðskjálftar mældust með SIL-mælakerfi Veðurstofu Íslands í vikunni, örlítið fleiri en í vikunni á undan. Stærsti skjálfti vikunnar var miðvikudaginn 24. júlí kl 00:55 um 20km norður af Siglufirði, 4,3 að stærð og fanns vel frá Ströndum í vestri að Tjörnesi í austri. Örfáir skjálftar fylgdu í kjölfarið. Færri jarðskjálftar mældust bæði í Mýrdalsjökli og Öræfajökli þessa vikuna miðað við síðustu viku. Virkni í Bárðarbungu er svipuð milli vikna. Jarðskjálftavirkni jókst á Suðurlandi og voru flestir við Raufarhólshelli eða um 50 talsins og sá stærsti um M2,2 að stærð.

Suðurland

Rúmlega 100 jarðskjálftar voru staðsettir á Suðurlandi, talsvert fleiri en í síðustu viku. Flestir skjálftarnir voru við Raufarhólshelli eða rúmlega 50 talsins og var sá stærsti M2,2 að stærð. Um 20 jarðskjálftar voru víðsvegar um Hengilsvæðið. Á Suðurlandsbrotabeltinu voru um 30 skjálftar og af þeim voru 10 skjálftar staðsettir vestan við Selsund, allir innan við M2,0 og tveir við Heklurætur báðir undir 1,0 að stærð. Skjálfti af stærð M1,5 var staðsettur á 17km dýpi um 10km suðvestur af Dyrhólaey.

Reykjanesskagi

Á Reykjanesskaga mældust rúmlega 30 jarðskjálftar í vikunni, svipað og í vikunni á undan. Sá stærsti var norðan í Hverfjalli og var um 2,0 að stærð.

Um tugur skjálfa mældist á Reykjaneshrygg um 20km suðvestur af Reykjanestá, stærsti af stærð M2,1 en allir hinir um og undir tveimur stigum.

Norðurland

Um 100 jarðskjálftar mældust á og úti fyrir Norðurlandi og er það meiri virkni en í síðustu viku. Stærsti skjálftinn af stærð M4,3 var um 20km NNV af Siglufirði og fanns vel frá Ströndum í vestri að Tjörnesi í austri. Fylgdu 12 minni skjálftar í kjölfarið, sá stærsti M2,7. Um 10km norðar mældust rúmlega 20 jarðskjálftar og þar af voru tveir yfir M3,1. Um það bil 40km NV af Grímsey voru staðsettir um 30 skjálftar þar sem tveir stærstu voru M3,6 og M3,5 að stærð.

Einn jarðskjálfti var staðsettur í Bæjarfjalli, einn austur af Reykjahlíð og stakur skjálfti var við Kröflu.

Hálendið

Svipaður fjöldi jarðskjálfta voru staðsettir í Vatnajökli í vikunni og í síðustu viku, eða tæplega 40. Þar af voru um fimm smáskjálftar í Öræfajökli, færri en í síðustu viku. Um 10 skjálftar mældust í Bárðarbungu, þrír stærstu um M2,1 að stærð og voru þeir jafnfram stærstu skjálftarnir í Vatnajökli. Um 10 skjálftar voru staðsettir á Lokahrygg og fáeinir við Grímsvötn.

Á svæðinu norður af Vatnajökli mældust um 20 skjálftar. Rúmur tugur smáskjálfta var staðsettur í austurhluta Öskju og um tugur skjálfta mældist í kringum Herðubreið og Herðubreiðartögl. Fimm skjálftar mældust í Langjökli, tveir þeirra voru uppá miðjum jöklinum og þrír í Vestari-Hagafellsjökli.

Mýrdalsjökull

Í Mýrdalsjökli voru staðsettir sex jarðskjálftar, talsvert færri en í vikunni á undan. Stærsti skjálftinn M1,5 mældist innan öskjunnar.

Rúmlega 10 jarðskjálftar mældust á Torfajökulssvæðinu allir undir tveimur að stærð.

Jarðvakt