	Veðurstofa Íslands Jarðeðlissvið

Jarðskjálftar 20190805 - 20190811, vika 32

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 280 jarðskjálftar mældust með SIL-mælakerfi Veðurstofu Íslands í vikunni, nokkuð fleiri en í vikunni á undan, þegar 250 skjálftar mældust. Stærsti skjálfti vikunnar var 2,9 að stærð, rétt rúmlega 20 km NV af Gjögurtá, þann 11. ágúst kl. 13:53. Fleiri jarðskjálftar mældust bæði á Norðurlandi og í Vatnajökli þessa vikuna miðað við síðustu viku. Smáskjálftavirkni í Öræfajökli jókst lítillega miðað við fyrr viku, allir voru þeir undir 1 að stærð. Tveir smáskjálftar voru staðsettir í og við Heklu, báðir undir einum að stærð.

Suðurland

Rúmlega 30 jarðskjálftar voru staðsettir á Suðurlandi, um helmingi færri en í síðustu viku, þegar um 60 skjálftar mældust. Stærsti skjálftinn var 1,9 að stærð, rétt austur af Skarði, þann 5. ágúst. Skjálftarnir voru á víð og dreif á Suðurlandinu. Tveir smáskjálftar voru staðsettir í Heklu, allir undir 1,0 stigum og tæplega 20 smáskjálftar voru á Hengilsvæðinu.

Reykjanesskagi

Á Reykjanesskaga mældust tæplega 20 jarðskjálftar í vikunni, þrefalt en í vikunni á undan, þegar 60 skjálftar mældust. Sá stærsti var við Kleifarvatn þann 6. ágúst af stærð 1,7. Skjálftarnir voru dreifðir um Fagradalsfjall, við Kleifarvatn og við Reykjanestá. Tæplega 10 jarðskjálftar mældust á Reykjaneshrygg, sá stærsti 1,9 að stærð, þann 5. ágúst.

Norðurland

Rúmlega 50 jarðskjálftar mældust á og úti fyrir Norðurlandi og er það mun meiri virkni en í síðustu viku, þegar 25 skjálftar mældust. Stærsti skjálftinn af stærð 1,9 var um 20 km NV af Gjögurtá þann 11. ágúst kl. 13:53, var hann jafnframt stærsti skjálfti vikunnar á landinu. Skjálftarnir voru á víð og dreif, enn flestir þó milli Öxarfjarðar og Grímseyjar annars vegar og í Eyjafjarðarál hins vegar. Einn stakur skjálfti mældist við Kröflu.

Hálendið

Mun fleiri jarðskjálftar voru staðsettir í Vatnajökli í vikunni en í síðustu viku, rétt rúmlega 100 skjálftar. Þar af voru tæplega 30 smáskjálftar í Öræfajökli, töluvert fleiri en í síðustu viku. Tíu skjálftar mældust í Bárðarbungu, allir undir 1,2 að stærð. Rúmlega 10 skjálftar mældust undir Dyngjujökuli og í djúpa svæðinu SA af Bárðarbungu. Nokkuð meiri virkni við Grímsvötn m.v. fyrri viku en tæplega 20 smáskjálftar urðu í og við Grímsvötn í vikunni. Stærsti skjálftinn varð 11. ágúst og var 1,6 að stærð. Við Hamarinn mældust tæplega 10 skjálftar, sá stærsti var 1,7 að stærð. Á svæðinu norður af Vatnajökli mældust rúmlega 30 jarðskjálftar. Um 10 smáskjálfta voru staðsettir í austurhluta Öskju og restin mældist í kringum Herðubreið og Herðubreiðartögl. Einn skjálfti mældist í Langjökli, 1,3 að stærð.

Mýrdalsjökull

Í Mýrdalsjökli voru staðsettir níú jarðskjálftar, þremur fleiri en í vikunni á undan. Stærsti skjálftinn mældist í Goðabungu og var 1,9 að stærð annars var meirihluti skjálftanna innan Kötluöskjunnar. Tæplega 25 jarðskjálftar mældust á Torfajökulssvæðinu, nokkuð fleiri en í fyrri viku. Allir voru þeir undir 1,2 að stærð.

Jarðvakt