	Veðurstofa Íslands Jarðeðlissvið

Jarðskjálftar 20210111 - 20210117, vika 02

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 570 jarðskjálftar mældust með SIL-mælakerfi Veðurstofu Íslands í vikunni, mun færri en í síðustu viku þegar um 790 jarðskjálftar mældust. Munar þar mestu um minni virkni á Reykjanesskaga í vikunni. Stærsti skjálfti vikunnar var 3,1 að stærð þann 13. janúar kl 15:23 á Reykjaneshrygg. Tveir aðrir skjálftar mældust 3 að stærð í vikunni, sá fyrri kl 15:34 þann 13. janúar á Kolbeinseyjarhrygg og sá seinni kl 23:31 þann 16. janúar í Kötluöskjunni í Mýrdalsjökli. Einn smáskjálfti mældist í Heklu og fimm við Grímsvötn.

Suðurland

Um 35 jarðskjálftar mældust á Suðurlandsbrotabeltinu í vikunni, svipaður fjöldi og í síðustu viku. Stærsti skjálftinn var 2,5 að stærð og mældist í smáhrinu 16 skjálfta sem varð um 2 km suðvestur af Haukadal 15. janúar. Tæplega 20 skjálftar mældust á Hengilssvæðinu, sá stærsti 2,0 að stærð. Um 6 skjálftar mældust á niðurdælingarsvæði Orkuveitunnar við Sleggjubeinsdali 12. janúar, sá stærsti var 1,6 að stærð. Einn smáskjálfti mældist í Heklu.

Reykjanesskagi

Um 325 jarðskjálftar mældust á Reykjanesskaga í vikunni, mun færri en í síðustu viku þegar um 520 skjálftar mældust þar. Stærstu skjálftarnir voru 2,4 að stærð, annar í hrinu rúmlega 70 sjálfta við Lágafell sem er rúmlega 4 km vestur af Bláa lóninu þann 16. janúar og hinn í lítilli hrinu um 30 skjálfta um 1 km austur af Sýlingarfelli 11. janúar. Aðrar smáhrinur voru við Fagradalsfjall (um 40 skjálftar) og rétt vestur af Sandfelli (um 30 skjálftar). Aðrir skjálftar voru vítt og breitt um skagann. Um tugur jarðskjálfta mældist á Reykjaneshrygg í vikunni, sá stærsti 3,1 að stærð 13. janúar kl 15:23 og var jafnframt stærsti skjálfti vikunnar.

Norðurland

Rúmlega 70 jarðskjálftar mældust á Tjörnesbrotabelinu í vikunni, heldur fleiri en vikuna á undan þegar um 60 skjálftar mældust þar. Rúmlega 40 jarðskjálftar mældust á Húsavíkur-Flateyjar misgenginu og í Eyjafjarðarál. Stærsti skjálftinn var 2 að stærð. Tæplega 30 jarðskjálftar mældust á Grímseyjarbeltinu, sá stærsti 1,8 að stærð. Þrír skjálftar mældust á Kolbeineyjarhrygg, sá stærsti 3 að stærð þann 13. janúar.

Um tugur skjálfta mældist inni á Norðurlandi í vikunni, þarf af fimm við Bæjarfjall, einn við Mývatn og þrír við Kröflu.

Hálendið

Tæplega 70 jarðskjálftar mældust á Hálendinu í vikunni, mun færri en vikuna á undan þegar um 100 skjálftar mældust. Rúmlega 30 jarðskjálftar mældust undir Vatnajökli í vikunni, fleiri en í vikunni á undan þegar um 20 skjálftar mældust. Í Bárðarbungu mældust 16 smáskjálftar í vikunni, mun fleiri en í síðustu viku þegar sex skjálftar mældust. Einn djúpur skjálfti mældist á svæðinu austan við Bárðarbungu þar sem oft mælast djúpir skjálftar. Þrír smáskjálftar mældust í ganginum undir og fyrir framan Dyngjujökul. Tveir smáskjálftar mældust í Kverkfjöllum, einn við Tungnafellsjökul og fimm skjálftar við Hamarinn. Fimm skjálftar mældust við Grímsvötn, sá stærsti 1,5 að stærð, sem er svipaður fjöldi og í síðustu viku. Enginn skjálfti mældist undir Öræfajökli.

Tæplega 40 jarðskjálftar mældust norður af Vatnajökli í vikunni, mun færri en í síðustu viku þegar um 70 jarðskjálftar mældust þar. Sautján smáskjálftar mældust við Öskju og 13 við Herðubreið og Herðubreiðartögl.

Einn skjálfti 1,7 að stærð mældist við Hofsjökul og annar af svipaðri stærð suðaustur af Langjökli.

Mýrdalsjökull

Rúmlega 20 jarðskjálftar mældust undir Mýrdalsjökli í vikunni, færri en í síðustu viku þegar tæplega 40 jarðskjálftar mældust. Stærsti skjálftinn var 3 að stærð 16. janúar kl 23:31 og var jafnframt stærsti skjálfti vikunnar á landi. Allir skjálftarnir mældust innan eða rétt við Kötluöskjuna.

Einn smáskjálfti mældist við Eyjafjallajökul. Fjórir smáskjálftar mældust á Torfajökulssvæðinu.

Jarðvakt