	Veðurstofa Íslands Jarðeðlissvið

Jarðskjálftar 20210823 - 20210829, vika 34

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni voru rétt tæplega 250 skjálftar staðsettir með SIL kerfi Veðurstofu Íslands. Það er um helmingi færri en í síðustu viku þegar 450 skjálftar mældust. Stærsti skjálfti vikunnar var þann 28. ágúst á Kolbeinseyjarhrygg, rúma 200 km norður af Melrakkasléttu af stærð 3,1. Aðrir skjálftar voru allir undir 3 að stærð. Helsta markverða virkni vikunnar smá hrina við austanvert Öskjuvatn, tæpir tíu skjálftar við Grímsvötn þar af tveir um 2,0 að stærð, 7 skjálftar við Skaftárkatlana, 15 smáskjálftar í Skeiðarárjökli og smáhrina skjálfta í Grímsnesi við norðurbakka Hvítár auk skjálfta af stærð 2,3 á Selvogsgrunni um 35 km SSA af Þorlákshöfn.

Suðurland og Hengill

18 skjálftar voru á Suðurlandi í vikunni auk staks skjálfta á Selvogsgrunni. Flestir skjálftanna voru í smá hrinu í Grímsnesinu. Aðrir skjálftar voru nokkuð dreifðir um undirlendið. Enginn skjálfti mældist í Heklu þessa vikuna.

6 skjálftar voru á Hengilssvæði, þar af þrír innst í Grændal.

Reykjanesskagi

Tæplega 50 jarðskjálftar mældust á Reykjanesskaga og hrygg í vikunni, helmingi færri en í síðastliðinni viku. Á hryggnum mældust 2 skjálftar en aðrir voru ýmist á skaganum eða rétt úti fyrir Reykjanestá. Á og við Reykjanestá voru um 20 skjálftar, 7 skjálftar voru á því svæði milli gosstöðvanna og Keilis þar sem kvikugangurinn ruddi sér rúms í febrúar. Aðrir skjálftar voru nokkuð dreifðir um skagann.

Norðurland

Á Norðurlandi mældust 13 skjálftar og úti fyrir strönd Norðurlands mældust um 60 skjálftar.

Helsta virkni vikunnar á Tjörnesbrotabeltinu var austur af Grímsey með um 16 skjálftum, um 12 skjálftar mældust í Öxarfirði og rúmir 10 skjálftar voru úti fyrir Eyjafirði og Eyjafjarðarál. Aðrir skjálftar voru nokkuð dreifðir.

Tveir skjálftar voru á Tröllaskaga og aðrir tveir í norðanverðri Þingeyjarsveit. 6 skjálftar voru við Kröflu og 3 við Bæjarfjall.

Hálendið

Tæplega hundrað skjálftar mældust innan Vatnajökuls og norðan við í nágrenni Öskju og Herðubreiðar. Fimmtán smá skjálftar mældust í Skeiðarárjökli, níu við Grímsvötn ¿ þar af stærstu tveir ríflega 2,0 að stærð. Sjö skjálftar voru á svæðinu í nágrenni Skaftárkatlanna og fjórir við Bárðarbunguöskju.

Ein mesta virkni vikunnar á landinu var við Öskju þar sem tæpir 50 skjálftar mældust, flestir við austanverða öskjubarminn. Í síðustu viku varð vart við að mælst hefur með GPS mælum Veðurstofunnar upplyftingu á svæðinu. Frekari öflun gagna er þörf áður en hægt er að túlka aflögunina. 6 skjálftar mældust í nágrenni Herðubreiðar.

Mýrdalsjökull

Þrír skjálftar mældust í og við Mýrdalsjökli og 4 skjálftar mældust á Torfajökulssvæðinu.

Jarðvakt