	Veðurstofa Íslands Jarðeðlissvið

Jarðskjálftar 20211227 - 20220102, vika 52

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Um 85 jarðskjálftar mældust á Suðurland í vikunni, fleiri en vikuna á undan þegar þeir voru rúmlega 60. Stærsti skjálftinn mældist 3,0 að stærð í norðurhluta Ingólfsfjalls þann 30. desember kl. 04:16 og bárust tilkynningar úr nágrenninu um að hann hafi fundist. Um sjötíu skjálftar urðu á svæðinu frá 28.desember 2021 ¿ 1. janúar 2022. Aðrir skjálftar mældust í Henglinum og í Fremri Vatnafjöllum.

Reykjanesskagi

Tæplega 4200 jarðskjáltar mældust á Reykjanesskaganum í vikunni, mun færri en vikuna á undan þegar að þeir voru um um 17,300 talsins. Flestir skjálftarnir á skaganum mældust við Trölladyngju, vestan við Kleifarvatn eða um 2500 talsins. Austan við Kleifarvatn mældust um 100 skjálftar. Í ganginum undir Fagradalsfjalli mældust í kringum 1200 skjálftar og norður af Grindavík um 300 skjálftar. Draga tók úr hrinunni í upphaf vikunnar en stærsti skjálftinn mældist 3,9 að stærð rétt vestur af Kleifarvatni þann 28. desember kl. 14:29 og fannst vel á svæðinu. Sjö aðrir skjálftar yfir 3,0 að stærð mældust á skaganum. Þá mældust einnig nokkrir skjálftar í Brennisteinsfjöllum og við Reykjanesið. Á Reykjaneshrygg mældust þrettán jarðskjálftar, þeir voru annars staðsettir um 7km SV af Reykjanesi og um 80km SV af landinu. Stærsti skjálftinn úti á hrygg mældist 2,8 að stærð.

Norðurland

Tæplega 30 jarðskjálftar mældust úti fyrir Norðurlandi og voru þeir flestir staðsettir á Grímseyjarbeltinu, þar af ellefu skjálfar um 7km norður af Grímsey. Við Kröflu mældist stakur smáskjálfti.

Hálendið

Við Herðubreiðartögl mældust sex smáskjálftar og einnig við Öskju. Stakur skjálfti mældist í Hofsjökli þann 27. desember af stærð 1,0. Um 7km suðvestur af Ok mældust tíu skjálftar i liðinni viku, sá stærsti 2,3 að stærð á gamlársdag. Átján skjálftar mældust undir Vatnajökli, færri en vikuna á undan. Tíu skjálftar mældust við Bárðarbungu, sá stærsti 3,6 að stærð þann 29. desember kl. 14:46. Einn djúpur skjálfti mældist í ganginum þar sem hann beygir til norðurs og tveir undan Dyngjujökli, báðir undir 1,0 að stærð. Tveir skjálftar mældust við Grímsvötn, sá stærri 1,7 að stærð þann 29. desember kl. 20:00 og tveir sunnar, við Háuubungu. Stakur skjálfti mældist við rætur Skeiðarárjökuls.

Mýrdalsjökull

Sex skjálftar mældust í Kötlu öskjunni, sá stærsti 2,2 að stærð á nýársdag kl. 10:57. Við Fremri Vatnafjöll mældust fimm jarðskjálftar og voru þeir allir undir 2,0 að stærð.

Jarðvakt