	Veðurstofa Íslands Jarðeðlissvið

Jarðskjálftar 20220110 - 20220116, vika 02

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 530 jarðskjálftar mældust með SIL-mælakerfi Veðurstofu Íslands í vikunni, færri en vikuna á undan þegar þeir voru tæplega 900. Stærsti skjálfti vikunnar var 3,2 að stærð í Bárðarbunga, þann 13. janúar kl. 06:51. Mesta virknin var bundin við Reykjanesskaga og hrinuna vestur af Oki. Það var mjög rólegt í Mýrdalsjökli og Vatnajökli og smá skjálftavirkni á Norðurlandi. Enginn skjálfti mældist í Heklu.

Suðurland

Um 35 jarðskjálftar mældust á Suðurlandi í vikunni, álika margir og vikuna á undan. Stærsti skjálftinn mældist 3,1 að stærð í Vatnafjöllum, þann 10. janúar kl. 03:31. Um tíu skjálftar urðu á svæðinu í byrjun vikunar. Aðrir skjálftar mældust við Ingólfsfjalli, í Henglinum og á við og dreif á suðurlandi. Enginn skjálfti mældist í Heklu.

Reykjanesskagi

Tæplega 290 jarðskjálftar mældust á Reykjanesskaganum í vikunni, mun færri en vikuna á undan þegar að þeir voru um 660 talsins. Flestir skjálftarnir á skaganum mældust á svæðinu við Trölladyngju, vestan við Kleifarvatn og við Krýsuvík. Annars var nokkur virkni við Fagradalsfjall og Grindavík og smá hrina þann 13-16. janúar við Eldvarpahraun. Einnig mældust nokkrir skjálftar í Brennisteinsfjöllum. Stærsti skjálfti á svæðið mældist 2,6 að stærð, þann 13. janúar kl. 06:19 við Eldvarpahraun.

Á Reykjaneshrygg mældust tæplega 10 jarðskjálftar, þeir voru flestir staðsettir nálægt Reykjanestá, sá stærsti mældist 2,2 að stærð, þann 13. janúar kl. 15:27.

Norðurland

Um 50 jarðskjálftar mældust úti fyrir Norðurlandi og voru þeir flestir staðsettir á Grímseyjarbeltinu, þar af fjórir í Axarfirði, sá stærsti 1,9 að stærð. Skjálfti 2,7 að stærð mældist norðnorðvestur af Grímsey, þann 12. janúar. Annars voru nokkrir smáskjálftar á Húsavikur-Flateyjar misgenginu og norður af Ólafsfirði. Við Kröflu mældust þrír smáskjálftar, sá stærsti 1,5 að stærð og við Bæjarfjall mældust tveir smáskjálftar.

Hálendið

Um 130 jarðskjálftar mældust á hálendinu í vikunni, þar af tæplega 20 á Vatnajökli. Stærsti skjálfti þar var 3,2 að stærð í Bárðarbungu, þann 13. janúar kl. 06:51. Þetta var líka stærsti skjálftinn á landinu. Mesta virkni var á hrinusvæðinu vestur af Oki, tæplega 90 skjálftar mældust þar, sá stærsti 3,1 að stærð, þann 11. janúar kl. 09:14. Þrír skjálftar mældust í Bárðarbungu, einn djúpur smáskjálfti mældist í ganginum þar sem hann beygir til norðurs og þrír austur af Hamrinum. Sjö skjálftar mældust við Grímsfjall, sá stærsti 1,5 að stærð, þann 13. janúar. Skjálfti af stærð 1,5 mældist við Hofsjökul þann 11. janúar og nokkrir skjálftar við Þórisdal, sá stærsti 1,7 að stærð.

Tæplega 10 smáskjálftar mældust við Herðubreið og Herðubreiðartögl, allir undir einn að stærð. Um 15 skjálftar mældust við Öskju, sá stærsti 3,1 að stærð, þann 12. janúar kl. 04:30.

Mýrdalsjökull

Fjórir skjálftar mældust í Kötlu öskjunni, sá stærsti 1,6 að stærð þann 15. janúar kl. 08:10. Engir skjálftar mældust í Eyjafjallajökli og Torfajökli í vikunni.

Jarðvakt