	Veðurstofa Íslands Jarðeðlissvið

Jarðskjálftar 20221003 - 20221009, vika 40

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 420 jarðskjálftar mældust í liðinni viku með sjálfvirka SIL jarðskjálftamælikerfi Veðurstofu Íslands, svipaður fjöldi og í fyrri viku þegar þeir voru um 440 skjálftar. Stærsti skjálfti vikunnar var staðsettur á Grímseyjarmsgenginu í Tjörnesbrotabeltinu og mældist hann 2,7 að stærð þann 7. október kl. 17:38. Nokkur virkni var einnig í og við Grímsvötn en þar mældist skjálfti af stærð M2,4 þann 5. október. Einn skjálfti mældist í vesturhlíðum Heklu af stærð 1,2 að morgni 5. október.

Suðurland

Rúmlega 20 skjálftar mældust á Suðurlandi í síðustu viku, sem er svipað og í fyrri viku. Þeir voru nokkuð dreifðir um Suðurlandsundirlendið. Nokkrir skjálftar mældust við Skálafell á Hellisheiði, sá stærsti M1,9 þann 5. október kl. 11:40. Þrír smáskjálftar mældust í Henglinum, einn smáskjálfti í Vatnafjöllum og einn skjálfti mældist í vesturhlíðum Heklu, 5. október kl. 6:04 og var hann M1,3 að stærð.

Reykjanesskagi

Á Reykjanesskaga mældust tæplega 200 jarðskjálftar sem eru nokkuð fleiri en í síðustu viku þegar um 160 skjálftar mældust. Virknin var nokkuð dreifð um skagann en um 40 smáskjálftar mældust á milli Keilis og Fagradalsfjalls, stærsti skjálftinn þar mældist 2 að stærð. Þá mældust um 25 smáskjálftar vestan við Þorbjörn og um 20 skjálftar milli Kleifarvatns og Núpshlíðarháls. Rúmlega 10 smáskjálftar mældust austan Kleifarvatns.

Um 30 skjálftar mældust á Reykjaneshrygg í vikunni, þar af rúmlega helmingur við Reykjanestá. Stærsti skjálftinn þar mældist 2,4 að stærð þann 3. október.

Norðurland

Alls mældust um 90 skjálftar á Tjörnesbrotabeltinu í síðastliðinni viku. Var virknin mest á Grímseyjarmisgenginu þar sem um 50 skjálftar mældust. Stærsti skjálftinn mældist þann 5. október og reyndist hann vera 2,4 að stærð. Rúmlega 10 skjálftar mældust í Öxarfirði og nokkrir á Húsavíkur og Flateyjarmisgenginu.

Við Kröflu mældust fimm smáskjálftar og einn skjálfti mældist við Kinnarfjöll.

Hálendið

Alls mældust tæplega 70 jarðskjálftar á hálendinu, sem eru nokkuð færri en í vikunni á undan, þegar um 80 skjálftar mældust. Rúmlega 25 jarðskjálftar mældust í Vatnajökli, þar af tveir í Bárðarbungu, sá stærri mældist 1,5 að stærð þann 3. október. Þrettán skjálftar mældust í og við Grímsfjall, sá stærsti mældist 2,4 að stærð kl. 21:33 þann 5. október. Tveir skjálftar mældust í Hamrinum og einn skjálfti við Skaftárkatlana. Fjórir skjálftar mældust í Skeiðarárjökli og einn á djúpa svæðinu austan Bárðarbungu.

Fimmtán skjálftar mældust við Öskju, sá stærsti 1,9 að stærð, þann 9. október. Tíu smáskjálftar mældust í kringum Herðubreið. Þrír skjálftar mældust á Arnarvatnsheiði, sá stærsti 1.8 að stærð. Einn smáskjálfti mældist í Langjökli og einn norðaustur af honumi. Tveir skjálftar mældust suður af Hagavatni og tveir í Hofsjökli. Einnig mældust fjórir smáskjálftar í og við Högnhöfða í Biskupstungum.

Mýrdalsjökull

Fjórir jarðkjálftar mældust í Mýrdalsjökli í liðinni viku, svipað í fyrri viku þegar þeir voru þrír talsins. Allir innan öskjunnar. Stærsti skjálftinn mældist 1,9 í Goðabungu þann 8. október. Átta skjálftar mældust á Torfajökulssvæðinu, sá stærsti 1.8 þann 5. október.

Jarðvakt