MAT Á NÆMNI KERFISINS

Nýju stöðvarnar auka nokkuð næmni kerfisins við að greina skjálfta á Bláfjalla- og Hengilssvæðunum en mestu skiptir að nákvæmni í staðsetningu skjálftanna og allri úrvinnslu er mun meiri eftir fjölgun stöðvanna. Fyrir tilkomu þeirra skráði og staðsetti kerfið alla skjálfta innan svæðisins stærri en u.þ.b. 0.3 á Richterkvarða en eftir að þær voru settar upp eru þessi stærðarmörk rétt undir 0.0. Mynd 3 sýnir reiknaða næmni kerfisins sem fall af staðsetningu, þ.e. hve stór skjálfti á tilteknum stað þarf að vera svo hann greinist á fjórum mælum í skjálftamælanetinu.

  

Figure 3: Reiknuð næmni kerfisins sem fall af staðsetningu. Gert er ráð fyrir að bylgjuútbreiðsla sé jöfn til allra átta og næmni einstakra mælistaða sú sama. Jafngildislínur sýna hver stærð atburðar á Richterkvarða þarf að vera til að hann mælist á fjórum stöðvum. Bil milli jafngildislína er 0.1.