Veðurstofa Íslands
Jarðeðlissvið

Jarðskjálftar 20050801 - 20050807, vika 31

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Í vikunni mældust um 200 skjálftar. Stærsti skjálftinn var af stærð 4 með upptök um 16 km ANA af Grímsey. Á þessum slóðum mældust tæplega 100 skjálftar, þ. e. um helmingur skjálftanna, flestir í byrjun vikunnar. Óvenju mikil skjálftavirkni var í Kverkfjöllum í vikunni og var stærsti skjálftinn um 3 á Richter. Á Kolbeinseyjarhrygg um 250 km norður af landinu mældust 3 skjálftar og voru þeir allir af stærð um eða ríflega 3. Á sunnudag mældist svo skjálfti um 150 km austur af Höfn í Hornafirði og var hann um 2,5 á Richter.

Suðurland

Á suðvesturhorninu frá Reykjaneshrygg og að Torfajökli mældust 35 skjálftar auk 15 skjálfta undir Mýrdalsjökli. Skjálftarnir í Mýrdalsjökli voru allir smáir, einn skjálfti náði þó stærð 2,2. Enginn annar skjálfti á suðvesturhorninu náði stærð 2.

Norðurland

Mesta virknin í vikunni var norður af landinu á Tjörnesbrotabeltinu. Aðfararnótt mánudags hófst hrina um 16 km austur af Grímsey og var virknin mest á milli 5 og 7 um morgunin. Stærsti skjálftinn varð kl. rúmlega 6 og mældist hann 4 á Richter. Auk hrinunnar austur af Grímsey var nokkur virkni í Öxarfirði og úti fyrir mynni Eyjafjarðar. Einn smáskjálfti mældist tæpa 2 km vestur af Kröfluvirkjun.

Hálendið

Enn er töluverð virkni undir Vatnajökli. Athyglisverðust er virknin í Kverkfjöllum, en þar mældust 7 skjálftar á stærðarbilinu 1.3 - 2.7. Jarðskjálftar þarna sjást nú betur en áður (fyrir áramótin 2004 - 2005) því mælar voru settir upp á Kárahnjúkasvæðinu í lok síðasta árs. Það eitt getur þó ekki skýrt þessa auknu virkni, því skjáltarnir núna ná flestir stærðinni 2.

Steinunn S. Jakobsdóttir