Skjálftahrinan úti fyrir mynni Eyjafjarðar, sem hófst 7. apríl, hélt áfram, þó ekki af sama krafti og í vikunni á undan. Um 200 jarðskjálftar bættust við, sá stærsti um 2,5 stig.
Tvær smáar skjálftahrinur áttu upptök austan við Grímsey.

Hálendið

Nokkur virkni var undir Vatnajökli, en jarðskjálftar voru staðsettir undir Bárðarbungu, Grímsvötnum, Lokahrygg, við Kverkfjöll og Kistufell. Einnig mældist jarðskjálfti við Hoffellsjökul og svo tveir við Öræfajökul.
Hátt í tvö hundruð jarðskjálftar mældust í hrinu vestan undir Herðubreið, flestir miðvikudaginn 16. apríl. Stærstu jarðskjálftarnir voru 2,5 stig. Einnig var nokkur skjálftavirkni norðaustan við Herðubreiðartögl, þar sem nokkrir tugir jarðskjálftar áttu upptök.
Aðrir jarðskjálftar á hálendinu voru staðsettir við Öskju, Þeistareyki, Mývatn, undir suðvestanverðum Langjökli og á Geysissvæðinu. Tveir jarðskjálftar mældust undir Mýrdalsjökli og einn undir Torfajökli.

Bergþóra S. Þorbjarnardóttir