Veðurstofa Íslands
Jarðeðlissvið

Jarðskjálftar 20080623 - 20080629, vika 26

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Eftirskjálftavirkni í Ölfusi og Flóa hélt áfram, en heldur dró úr virkninni um helgina. Hátt í 1400 jarðskjálftar mældust í vikunni, langflestir eftirskjálftar 29. maí jarðskjálftans.

Suðurland

Eftirskjálftar Suðurlandsskjálftans í maí voru margir en smáir. Aðeins einn var yfir 2 að stærð, vestast á virka svæðinu. Mesta skjálftavirknin var á suðurhluta Kross-sprungunnar. Önnur skjálftavirkni á Suðurlandi var lítil.

Reykjaneshryggur og Reykjanesskagi

Á miðvikudag og fimmtudag, 24. og 25. júní, mældust átta jarðskjálftar við Geirfugladrang á Reykjaneshrygg. Þeir voru á stærðarbilinu 1,5 - 2,3 stig. Lítil skjálftavirkni var á Reykjanesskaga.

Norðurland

Mesta skjálftavirknin í Tjörnesbrotabeltinu var um 13 km norður af Grímsey. Á fimmtudaginn, 26. júní, mældust þar 25 jarðskjálftar í smáhrinu. Stærsti skjálftinn var 2,7 stig.

Hálendið

Á Þeistareykjasvæðinu mældust átta jarðskjálftar, 0,4 - 1,8 stig. Um þrjátíu jarðskjálftar voru staðsettir á Öskju/Herðubreiðarsvæðinu, allir innan við 2 stig.
Einn jarðskjálfti mældist í Bárðarbungu, 1,4 stig.
Einn jarðskjálfti varð undir Skjaldbreið (1,8) og þrír við Skálpanes (1,2 - 1,5), austan Langjökuls.

Mýrdalsjökull og Torfajökull

Tíu skjálftar mældust í Mýrdalsjökli, sex innan Kötluöskjunnar og fjórir við Goðabungu. Stærsti var um 2 stig og var innan öskjunnar.
Yfir tíu skjálftar voru staðsettir á Torfajökulssvæðinu, stærsti um 2 stig.

Bergþóra S. Þorbjarnardóttir