	Veðurstofa Íslands Jarðeðlissvið

Jarðskjálftar 20210215 - 20210221, vika 07

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 560 jarðskjálftar mældust með SIL-jarðskjálftamælakerfi Veðurstofunni í liðinni viku, færri en vikuna á undan þegar um 870 skjálftar voru staðsettir. Stærsti skjálftinn mældist 3,3 að stærð þann 19. febrúar kl. 04:29 um 4 km norðvestur af Grindavík og annar, 3,0 að stærð, rétt vestan við Þorbjörn þann 14. febrúar og fundust þeir báðir í Grindavík. Rúmlega helmingur skjálftanna í vikunni mældust á Reykjanesskaga en töluvert dró úr hrinunni vestan við Ok miðað við síðustu vikur. Sjö skjálftar mældust í Fjörðum SSV af Flatey í Skjálfanda þann 15. febrúar, sá stærsti um 2,9 að stærð kl. 00:23 og fannst hann á Akureyri. Um tugur skjálfta mældust um 150km suðvestur af Jan Mayen í liðinni viku, sá stærsti 4,3 að stærð á Valentínusardag. Önnur virkni var nokkuð hefbundin.

Suðurland

Rúmlega tuttugu jarðskjálftar mældust á Suðurlandi í liðinni viku, töluvert færri en vikuna á undan þegar þeir voru um þrefalt fleiri. Tugur skjálftar mældust við Hengilssvæðið, sá stærsti 1,6 að stærð þann 16. febrúar á Hellisheiði. Fimm smáskjálftar mældust í Hrafntinnuskeri, þrír í Vatnafjöllum og einn SV af Heklu.

Reykjanesskagi

Rúmlega 350 jarðskjálftar mældust á Reykjanesskaga í vikunni, svipað og í síðustu viku. Stærsti skjálftinn mældist 3,3 að stærð þann 19. febrúar kl. 04:29 um 4km NV af Grindavík og annar, 3,0 að stærð, við Þorbjörn þann 14. febrúar kl. 17:27 og fundust þeir báðir í Grindavík. Virknin dreifðist um skagann í þyrpingum við Krísuvík, Trölladyngju, Fagradalsfjall, Eldvörp og Reykjanesið. Tveir skjálftar mældust út á Reykjaneshrygg, sá stærri 3,2 að stærð þann 14. febrúar kl. 10:06.

Norðurland

Tæplega eitthundrað jarðskjálftar mældust á og úti fyrir Norðurlandi í vikunni, um helmingi færri en vikuna á undan, þar munaði um smáskjálftahrinu sem varð sunnarlega í Öxarfirði 12. og 13. febrúar. Rétt yfir miðnætti þann 15. febrúar mældust sjö jarðskjálftar við Firði, sá stærsti var 2,9 að stærð þann 15. febrúar kl. 00:23. Á Grímseyjarbeltinu mældust um þrjátíu skjálftar og fjórtán á Húsavíkur-Flateyjar misgenginu. Fjórtán smáskjálftar mældust við Þeistareyki, níu við Kröflu og sex í Reykjahlíð.

Hálendið

Verulega dróg úr hrinunni vestan við Ok og mældust nú tíu skjálftar undir 2 að stærð miðað við tæplega 120 vikuna á undan. Í Hofsjökli mældist stakur skjálfti af stærð 1,6 þann 14. febrúar kl. 03:01. Við Herðubreið og Herðubreiðartögl voru sextán smáskjálftar staðsettir og rúmlega þrjátíu við Öskju og voru þeir flestir staðsettir við austurbrún öskjunnar.

Í Vatnajökli mældust tuttuguogfjórir jarðskjálftar, svipað og vikuna á undan. Tíu skjálftar mældust við Bárðarbungu og voru þeir allir undir 2,0 að stærð. Á djúpa svæðinu í ganginum austan við Bárðarbungu mældust tveir smáskjálftar, og sitthvor undir Dyngjujökli og við Kverkfjöll. Við Grímsvötn mældust tveir skjálftar, sá stærri 1,7 að stærð þann 20. febrúar. Þrír skjálftar mældust norður af Grímsvötnum, tveir við vestari Skaftárketilinn og stakur skjálfti af stærð 2,0 við Hamarinn. Sitthvor smáskjálftinn mældust í Öræfajökli og við Skeiðarájökul.

Mýrdalsjökull

Fimm jarðskjálftar mældust í Kötluöskjunni í vikunni og voru þeir allir undir 2,0 að stærð.

Jarðvakt t