	Veðurstofa Íslands Jarðeðlissvið

Jarðskjálftar 20210301 - 20210307, vika 09

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Yfir 17.700 jarðskjálftar mældust í liðinni viku (9) með SIL-mælakerfi Veðurstofu Íslands en langflestir þeirra eru staðsettir á Reykjanesskaga þar sem öflug jarðskjálftahrina hefur staðið yfir frá 24. febrúar. Tveir jarðskjálftar af stærð 5,0 mældust í vikunni annar suðvestan við Keili 1. mars kl. 16:35. Sá síðari aðfaranótt 7. mars kl. 02:01 vestan við Fagradalsfjall. En á Reykjanessaga mældust 23. jarðskjálftar stærri en 4,0 og yfir 200 skjálftar stærri en 3,0. Annarstaðar á landinu var fremur lítil jarðskjálftavirkni mæld.

Búið er að fara handvirkt yfir rúmlega 2200 skjálfta af 17.700 og því er rétt að taka fram að einhverjir skjálftar sem kunna að vera yfirfanir síðar í tíma eru kanski ekki tilteknir í þessu vikuyfirliti.

Suðurland

15 jarðskjálftar voru staðsettir á Suðurlandi í vikunni. Stærsti skjálftinn mældist af stærð 2,4 á Hengilssvæðinu, en þar á svæðinu mældust 9 skjálftar alls. Einn skjálfti mældist við Heklurætur 0,1 að stærð.

Reykjanesskagi

Jarðskjálftahrinan sem hófst á Reykjanesskaga þann 24. febrúar var yfirstandandi alla vikunna og mældust þar fleiri en 17.500 skjálftar með sjálfvirku staðsetningarkerfi Veðurstofunnar. Tveir jarðskjálftar af stærð 5,0 mældust í vikunni annar suðvestan við Keili 1. mars kl. 16:35. Sá síðari aðfaranótt 7. mars kl. 02:01 vestan við Fagradalsfjall.

23. jarðskjálftar stærri en 4,0 mældust í vikunni. Þar ber helst að nefna jarðskjálfta af stærð 4,2 þann 4. mars, kl. 19:14. Sá skjálfti var staðsettur rétt sunnan við Fagradalsfjall um hálfan km frá byggð í Grindavík og fengum við af því fregnir gegnum fjölmiðla að útveggir hefðu laskast í íþróttahúsi bæjarins. Margar tilkynningar bárust veðurstofunni um flesta jarðskjálfta sem mældust stærri en 4,0 og þeir sem mældust um 5,0 að stærð fundust um allt suðvestanvert landið og víðar. Virknin var breytileg og var mest suðaustan við Keili í upphafi viku en færðist síðar meira til suðvesturs. Alls mældust 216 skjálftar yfir 3,0 að stærð í vikunni á Reykjanesskaga.

ti fyrir Reykjanestá mældust tæpir 30 jarðskjálftar flestir í um 5 km fjarlægð vestur af Reykjanestánni. Fjórir skjálftar mældust yfir 3,0 að stærð og allir skjálftarnir mældust 1. og 3. mars.

Á meðfylgjandi mynd má sjá umbrotasvæðið. Þar fyrir miðju er kvikugangur frá Keili í NA og að Fagradalsfjalli í SV, þessi gögn eru studd af landbreytingum sem hafa sést hafa í INSAR model útreikningum og frá GPS mælitækjum á vettvangi. Vísindaráð Almannavarna ályktaði í vikunni að spennubreitingar vegna kvikugangsins hleyptu af stað skjálftavirkni á merktum svæðum á korti, þ.e. suðvestan við Fagradalsfjall og austan við Keili, þetta eru kallaðir gikkskjálftar.

Mynd: Umbrotasvæði: Reykjanesskagi

Í uppfærðri frétt á vef okkar má fylgjast með nýjustu upplýsingum, þar með talið skjáftavirkni og þróun hrinunar : sjá uppfærða frétt.

Norðurland

Tveir smáskjálftar voru staðsettir á Kröflusvæðinu báðir undir 1,0 að stærð. Úti fyrir landi mældust 50 skjálftar, bróðurpartur þeirra um 40 talsins mældust norðaustan við Grímsey, stærsti skjálftinn af stærð 3,3. Aðrir skjálftar voru minni en tveir þeirra voru um 2,0 að stærð. Fjórir smáskjálftar í Öxarfirði stærsti 1,1 að stærð, aðrir fjórir smáskjálftar á Eyjafjarðarál, stærsti 1,1 að stærð.

Hálendið

Samtals mældust 16 jarðskjálftar í Vatnajökli í liðinni viku. Sá stærsti af stærð 1,3 mældist við Vestari Skaftárketilinn. Í Bárðarbungu mældist 1 skjálfti af stærð 1,1 og fimm skjálftar mældust djúpt í bergganginum syðst á Dyngjujökli. Allir undir 1,0 að stærð. Tveir smáskjálftar mældust í Öræfajökli, aðrir 2 í Esjufjöllum, þá þrír norðan við Skeiðarárjökul. Einn jarðskjálfti af stærð 0,3 mældist í Grímsvötnum í vikunni.

Í Öskju suðaustanverðri mældist skjálfti 2,4 að stærð þann 7. mars. 3 smáskjálftar mældust norðan við Herðubreið, þar norðvestan við mældust 5 skjálftar í norðanverðri Kollóttadyngju, stærsti af stærð 1,7.

Tveir skjálftar mældust við Þórisjökul á vestanverðu hálendinu, sá stærri 2,6 að stærð.

Mýrdalsjökull

Enginn skjálfti var staðsettur í Mýrdalsjökli eða á Torfajökulssvæðinu í liðinni viku.

Einar Hjörleifsson Náttúruvársérfræðingur á Jarðvakt