Mynd 6 sýnir gæði jarðskjálfta sem fall af stærð þeirra.
Figure 6:
Gæðastuðull jarðskjálfta sem fall af stærð skjálftanna. Aðeins eru
teknir með þeir skjálftar sem áttu sér samsvörun í events.aut.
Handefldir skjálftar
eru því ekki með á myndinni. Alls eru notuð gögn fyrir 9656 skjálfta.
Dökku punktarnir tákna að þær samsetningar af gæðum og stærð hafa komið
fyrir oftar en einu sinni í gagnasafninu.
Aðeins voru notaðir raunverulegir skjálftar sem áttu sér samsvörun í
events.aut og var gefin einkunn samkvæmt því. Vegna þess hve
upplausnin er lítil bæði í stærð skjálftanna og gæðum eru sumir punktanna
á myndinni margendurteknir. Litur punktanna sýnir fjölda skjálfta með
tiltekin gæði og stærð þannig að dökkur litur táknar algengar
samsetningar af q og M en ljósir sjaldgæfar.
Augljóslega eru gæði 10.0 (gæði hugsanlegra forskjálfta) og hámarksgæði
(90.01) algengust. Samband réttrar stærðar skjálfta og
gæða hans í sjálfvirku úrvinnslunni er tiltölulega veikt. Skjálftar á
bilinu 0-1.5 fá einkunn allt frá lágmarki (4-6 eftir svæðum) að hámarki.
Þó er greinileg tilhneiging til þess að stórir skjálftar hafi há gæði og
allur þorri skjálfta með M < 0 hefur gæði undir 30.0.
